Litt uvanleg rute på fjellet

Dag er ein tur til fjells, og legg heimturen over Solfjell og Ljosnesaksla og Rødslio. Det er tildels ukjende stiar i stor villmark. Rødslio er noko for seg sjølv med si store furuskog. Det er litt Lars Monsen-kjensle når ein kryssar på langs utan å finna skikkeleg sti..

Det er ein ny fin sommarkveld, og litt gamal
kledning gjev god kveik i bålpanna. Røyken er
litt hjelp mot knotten. Kan ikkje hugsa at knotten
var så fæl her oppe før, men det var han sikkert..

Det lakkar mot kveld, og kvelden er mykje mørkare enn han
var midtsommars. 

Det er kjekt å stå opp i slikt vær. Einaste ulempa er at sola
ikkje kjem opp bak Solfjell før nærare halv ni. 

Lukevatnet på Solfjell er kjelda til drikkevatnet
vårt. Det er og veldig fint her oppe, litt frodig
høgfjell. 

Endå eit vatn på Solfjell, dette renn mot Omvik-
dalen. Juklevasskruna og Fonno i bakgrunnen.

Frå nordsida av Solfjell, fint der og..

For dei hytteinteresserte: Linkebu på
Ljosnesaksla ligg i furuskogen med utsikt mot
Rosendal og Omvikdalen. Utsikta minkar
ettersom trea veks, her som elles på fjellet.