Snøvinter 2018

Det har kome mykje snø i fjellet i januar, sjølv om det meste vart regn nede i dalen. Dag går opp i regn, på trass, og det vert etterkvart tungt å brøyta seg fram øvst i skogsvegen.
Fjellstovo er heilt nedsnødd på oppsida, og det er uråd å måka taket. Men svalgangen med inngongsdøra er genial, der er det mest ikkje snø.

Det er ruskete vinterstemning om kvelden

Sønnavinden har klistra snøen på vegg og glas

I tillegg har fokksnøen trengt seg inn i skjulet

Det er bra med snø på oppsida av hytta....

Eg har gløymt skismurning, 

då er det greit med 

årgangssmurning frå 1970-talet

Den vesle Rød-hytta tek seg ut med kvit hatt

Vi har ubedne gjestar på loftet, ganske sikkert røyskatt. Sjå bilete av skiten. Han held til på det nye uteloftet og oppe over takplatene, heldigvis ikkje inne i den indre delen, heller ikkje i den nye gangen eller på do. Det er vanskeleg å gjera noko med det no, men til våren må han ut og vi må tetta grundig både her og der. Det vert nok også ein dryg vaskejobb.