Sommaren 2013

Sommaren er vel over, både med tanke på kalenderen og verlaget. Det har vore mykje bra ver i år, og mange har vore til fjells på dagsturar og overnatting.



  Sommardag på fjellet.

 

 

Ann-Mari med fylgje var på hytta i fleire dagar, og fekk besøk

av Dag, Berit, Mariann og Harald.

 

Mykje bra arbeid er gjort, mellom anna:

Vedskjul-taket er no tetta på skikkeleg vis, med krabbalist og rikeleg med tetnings-guffe. Det vert spanande å sjå om det står imot sørvesten til hausten..

Oddlaug og Jørgen har laga krydderhylle og pussa opp takplata ved ovnsrøyret.

Inngongspartiet er beisa, medan den nye terrassen får venta til våren.

Vi er på besøk i Norli, der Hans Gustav og Brit Tove har heisa flagget og steller med hytta si. Ho har mellom anna fått ny kledning og kjøken i bislaget.

 

Båten er tetta i skruehola langs kjølbandet. Vi har ikkje hatt han på vatnet lenge nok om gongen  enno, men vi reknar med at han er heilt tett.

 

Nybeisa tofter.